陳展鵬與單文柔拍拖2年，就於舊年10月舉行海陸婚禮，當時仲出動豪華游艇，令單文柔倍感幸福，結婚之后唔夠一個月，單文柔即刻報喜大肚，半年內榮升人父嘅陳展鵬自然百分百全力呵護嬌妻。
除咗進行24小時按摩捽腳之外，仲學識咗為BB換尿片喂奶等操作，絕對系對家庭負責好老公！
因為預產期一早就肯定咗，所以就算呢段時間陳展鵬忙于新劇《曼谷唐人街》嘅拍攝都得到特赦，一旦收到單文柔胎兒作動嘅電話，佢就會放低工作趕去醫院！
可見第一次做老竇嘅陳展鵬有幾咁緊張，據悉不容有失嘅陳展鵬早就決定要為小豬比親手剪臍帶，而單文柔近排都忙到死，繼較早時畀影去外傭仲介簽文件之后，又畀爆出為BB買過千萬嘅保險同基金。
俗語講得好，父母之愛子，則為之計深遠。雖然單文柔而家仲未生產，但系對于腹中嘅骨肉，佢依然系想得長遠，除咗幫BB買好人身保險之外，教育基金都系不可或缺嘅一環。
因為自己留學外國嘅關系，單文柔都希望BB今后可以去外國讀書，所以即使每月要供10萬，佢都覺得唔系問題，因為大概二十年度就可以攞到一筆讀書基金。對于老婆嘅諗法，陳展鵬自然百分百同意。
咪睇單文柔自入行以嚟，事業上嘅成就冇陳展鵬高，但據知情人透露，從結婚嗰一刻開始，家中大權幾乎都喺單文柔手上，加埋陳展鵬一直覺得老婆為人處世好成熟，更放心將財政大權都交畀佢管理。所以從揀陪月工同傭人，完全都系單文柔拍板。
從寂寂無聞嘅落選港姐變成視帝背后嘅女人，單文柔都算系飛上枝頭！據悉有意讓老婆專心做家庭主婦嘅陳展鵬，近年都喺努力賺奶粉錢養家，就算因為拍打戲傷到筋骨，都要咬緊牙關。話曬一家三口嘅使費都唔少！
聽到老公呢番甜蜜宣言，單文柔都即刻喺社交網上回應，表示自己會畀心機照顧好陳展鵬嘅身體，另外仲想成為佢嘅好情人。唔怪得日前就有媒體目擊見到與好友現身又一城嘅單文柔，就算大腹便便，仲專登去咗一趟名牌底衫店，間中仲詢問咗伙記有冇大肚婆嘅尺寸，睇嚟身材發福嘅佢，都要與時俱進更換新嘢。
年僅28歲嘅單文柔就算佗B期間體重上升，都會好快瘦身成功。話曬已經懷孕8個幾月，佢步伐依舊輕盈，一啲水腫都冇，邊飲果汁邊行街嘅時候，神情猶如普通僆妹一樣，如果唔系左手上佩戴嘅鉆石戒指太過耀眼，凈系睇上去半身嘅話，好難相信佢已經嫁為為人婦！
希望今后有機會可以睇到陳展鵬、單文柔嘅夫妻檔作品。
Like MisshkNews Facebook！不出门也能知天下事～
