TVB宣佈「疫境復辦」港姐，轉戰網上真人騷

TVB較早前表示因為受到疫情影響，決定停辦年《2020香港小姐競選》，講完冇幾耐TVB今日就舉行記者會宣布「疫境復辦」，轉戰網上真人騷喺BigBigChannel舉行，讓全世界一齊參與。

TVB高層余詠珊受訪時強調，呢次港姐競選絕對唔係「騎呢show」，名次係受官方認可，參選條件同以前一樣，具體詳情等陣公布。

余詠珊仲透露會有好多新元素，包括真人騷部分，網友可根據佳麗嘅生活、泳裝相、化妝同挑戰等項目投票，決定入圍同畀淘汰嘅佳麗。

余詠珊表示下個月尾開始進行招募，身處世界各地嘅香港女仔都可以報名，目標人數為50至60人。

受疫情影響，余詠珊表示佳麗嘅早期訓練可以各自喺屋企進行，以避免人群聚集，TVB會安排工作人員到各佳麗屋企安裝統一求規格嘅拍攝器材，防止有用濾鏡或者P圖造假。

余詠珊仲話選美時間大概2到3個月，仲未決定會唔會同時喺翡翠臺播放，會唔會有總決賽，亦要視乎疫情發展而再做打算。