日前，TVB老戲骨鄭子誠就喺劇集《跳躍生命線》嘅結尾中以磁性聲演繹獨白，重趁此為自己洗白話“你以為我奸嘅同時，其實先發現我可以好正氣！”獲得網民激贊嘅佢，更畀封為“救護情人”。
對于因此突然間人氣急升，鄭子誠就表示：“最后一個ending點解令到大家好驚喜，就可以將成部劇帶出嚟嘅感覺綜合出嚟，然后畀大家反省嘅機會，而家其實好需要咁樣嘢，有發人深省嘅野令到佢哋‘回味無窮’，呢種回甘嘅味道令部劇更加成功。”
聲線雄厚嘅鄭子誠經常為電視廣告同節目做旁白，不過佢演技同樣在線，特別系佢參演嘅首部劇集《真情》就飾演反派角色李子浩，由于形象好深入人心，結果角色一炮而紅，甚至到而家啲人都依舊清晰記得佢喺《真情》中嘅反派角色形象。
鄭子誠都直言話：“到而家啲人仲講《真情》，雖然都已經二十多年，李子浩當年可能太過入屋啦，到而家都仍然系好難洗底。大家畀個機會我改啦，今次呢部劇完全正氣嘅，系冇任何陰謀存在嘅！”
其實呢都正正證明咗鄭子誠嘅精湛演技，話曬佢飾演奸到出汁嘅奸角真系太過深入人心，導致佢無論飾演任何角色，都畀認為系有陰謀，真系讓鄭子誠哭笑不得喇。 
佢話：“做奸角嘅時候我所講嘅系劇本嘅講嘢，但系做電臺，我系出自真心！如果你覺得我把聲好聽嘅話，嗰個就系嚟自真系我嘅，但系如果你覺得我系奸嘅話，就系劇本里面寫嘅嘢，我只系跟演繹啫！”唔理點，仲系好期待佢喺《跳躍生命線》中嘅精彩演出！ 
Like MisshkNews Facebook！不出门也能知天下事～
