「TVB小花」黃翠如日前突然喺社交平台講「再見」之后，更關閉留言功能，惹來唔少揣測，唔少網民都擔心佢因為熱播劇集《七公主》中演出備受批評而承受唔少壓力。
不過過咗冇幾耐，黃翠如就喺IG限時動態分享咗一張風景相，仲留言話：「總有一日，我哋會再相遇，私人的悼念，多謝關心。」
而黃翠如老公蕭正楠（Edwin）因為工作關係，喺上個月尾啟程到大陸接受隔離，較早時佢已經隔離完成出關，仲展開一連串工作。
雖然蕭正楠未能陪喺黃翠如身邊，但佢就喺社交平台曬出喺結婚一周年，喺峇里島補辦婚禮嗰陣嘅相，依然可以感受到佢哋好恩愛！
見到黃翠如、蕭正楠手拖手互相打鬧，最後再依偎住對方，唔少粉絲都大讚好甜蜜，相信有蕭正楠嘅支持，黃翠如好快可以收拾心情！
Like MisshkNews Facebook！不出门也能知天下事～
