王浩信為無線劇集《極道怪咖》拍攝外景，主要任務為救畀吊出27樓高商廈天臺嘅湯怡，并交出贖款，期間，更與徐榮發生打斗，甚為激烈！
王浩信大贊湯怡好勇敢：「我都有畏高，曾經試過喺銅鑼灣50幾樓吊出去，不過就冇佢咁出，喺邊緣度，嗰次好驚，每次望落去個反應都做錯，但系我頭先見到佢好淡定，啲對白都講得好流暢，啲戲都發揮到好自然，所以都幾佩服佢！」 
問到戲中有無危險動作？佢表示有動作場面，例如打功夫，又笑指每日都要同張振朗搞Gag：「難度最高唔系動作，而系要凼觀眾笑，今次嘅能量、節奏嘅掌握，都比以往嘅難度高，但So Far劇組人員都覺得幾好，好有滿足感！」 
而家貴為視帝嘅王浩信劇接劇，忙到飛起，仲有傳陳自瑤想再追B，以維系夫妻之間嘅感情，并讓6歲囡囡都有個伴。
佢話仍有3至4個禮拜先會拍完劇集，問到復活節會唔會同囡囡去旅行？佢透露會抽時間：「Plan緊。（會去邊度？）暫時未預到時間幾長，但點都會去放松。」
追問系咪會一家三口一齊去？佢淡然指：「Plan緊。（太太陳自瑤較早時話想追多個？）畀心機工作先。」
希望另一套劇集《解決師》可喺暑期播出，睇落王浩信完全冇辦法配合陳自瑤嘅造人計劃。
Like MisshkNews Facebook！不出门也能知天下事～
