組合農夫出席活動的時候，直認獲邀為2018屆港姐選舉任司儀，但礙于撞咗巡回時間，一切仍系未知數。C君表示：「我哋梗系好想做，始終港姐系一大盛事，但未知會否撞期，因8月要去內地同馬來西亞做巡回，亦都系呢十年間首度巡回。」
笑問系咪收費太貴先未落實，因有傳無線慳Budget（制作費）？陸永即勤力硬銷自己，重將同場的麥美恩拖落水笑謂：「梗系唔系，我哋好抵用，唔夠Budget更應揾我哋，我哋唔系麥美恩的天后級主持人，要收天價。（若然事成系咪拍檔嘟姐？）我哋當然希望，嘟姐收得貴，所以揾我哋可平衡條數。」提到今年曾志偉應唔會做港姐司儀，C君打趣道：「我哋未試過喺無線的大型盛事中拍過檔，但喺表演中就畀佢拍過塊面同后落尾枕，哈哈。」
Like MisshkNews Facebook！不出门也能知天下事～
