落選港姐賴琦媛喺參選期間一直被指拜金，鐘意北上夜蒲釣金龜，更畀記者影到將吸食完嘅煙頭隨處拋，負面新聞不斷，最終止步港姐十二強。
不過呢排賴琦媛又被曝搭上有米肥叔叔，佢哋鬼崇到中環撐枱腳，食完飯雙雙攬到實一實坐車返出去，返去男方何文田豪宅。
事后，賴琦媛接受傳媒訪問話：「其實我識咗佢年半時間，因為疫情關係佢喺香港逗留咗一段時間，而我同佢係普通朋友關係。」
（記者問到賴琦媛食完飯之后喺男方屋企過夜？），佢話：「冇啲咁嘅事，話我哋攬到實一實，只係普通搭嚇膊頭啫，跟住坐佢嘅車係為咗方便，送咗佢返屋企之后，我自己跟住搭車走。」
（記者問到賴琦媛攬腰搭膊頭，朋友關係？）佢話：「其實朋友之間有少少身體接觸係可以有嘅，但唔好太過火就Ok啦！」
（記者問到賴琦媛驚唔驚影響到對方屋企？）佢話：「我相信唔會，因為我哋係普通朋友關係，仲會保持聯絡，但之后出門口嗰陣要小心啲啦！」
對于被指釣金龜，賴琦媛話：「自己一笑置之，多謝大家關心，關注我嘅生活，我識朋友係靠真心。」
Like MisshkNews Facebook！不出门也能知天下事～
