近年復出無線拍劇嘅視帝王浩信太太陳自瑤，舊年有份參演劇集《天命》，喺劇中飾演勾心斗角奸妃一角嘅佢，演技依然系大獲好評。
仲有喺TVB另一部重頭劇《再創世紀》中，佢同樣系飾演喺辦公室勾心斗角嘅Ada一角，同視后楊怡有唔少對手戲。
陳自瑤近年嘅產量開始增多，據悉系未播映嘅TVB新劇中，至少有3套劇集系有陳自瑤份參演，劇集包括《包青天再起風云》、《黃金有罪》、以及《致所有愛過的人》等。
為家庭復出甚多嘅陳自瑤，為咗可以令老公安樂打拼事業，自己就專注湊女，好唔容易捱等到個女讀書，自己終于可以繼續再追演員夢！
日前，陳自瑤現身TVB新劇《致所有愛過的人》拜神儀式，被問到喺啱啱過去嘅2月14日情人節，有無同老公交換情人節禮物時，原本一面笑容嘅陳自瑤連隨面色轉變。
佢對記者表示：”不如都系講返公事啦，我哋兩個都喺開劇、無時間，本來我都系同時開兩部劇，而家一部殺青咗先好啲，呢部劇都要拍到3月尾。” 
呢兩年嚟，王浩信確實系人紅是非多，除咗同TVB力捧小花江嘉敏傳出婚外情緋聞之外，夫婦二人更隔三差五就畀港媒傳出離婚消息，而且一次比一次看似真實，就連關於女兒嘅撫養權都畀港媒寫得頭頭是道。
一開始，王浩信夫婦面對離婚傳聞其實都會積極企出嚟澄清回應，但久而久之，港媒仍然疑幻似真噉持續盛傳二人離婚，到而家二人基本上喺所有公開場合，都拒絕再傾家事、亦絕口不提及對方，唔少網民對此都表示理解。
不過，雖然陳自瑤唔肯講，但有網民就發現喺情人節當日，王浩信現身社交網罕見更新，佢曬出與“前世情人”女兒嘅合照。
相中可見，個女匿喺老竇身后，雖然睇唔到個樣，但兩父女一齊戴上可愛嘅頭飾不停賣萌，平時一面嚴肅嘅王浩信為咗氹女開心，更扮攪笑兔仔，顯得幾得意，但相中就未見有陳自瑤嘅身影。
談到今次喺新劇中嘅角色，陳自瑤透露自己喺劇中與黃翠如同連詩雅扮演姊妹，佢指角色性格比較多變，內心難以捉摸。
佢透露，角色感情線好復雜，自己喺劇中與多位男星有感情瓜葛：“呢次角色系事業型享樂主義者，冇固定伴侶，鐘意溝仔之余又好優雅。本來同連詩雅男友馬貫東有段感情，但我又鐘意上咗林文龍，但佢卻心儀黃翠如，關系都好復雜嘅。”
Like MisshkNews Facebook！不出门也能知天下事～
