呢排，前港姐何依婷喺熱播劇集《機場刑警》中飾演「絕世港女」而人氣急升，備受網友力捧，首次出演劇集就一炮而紅，何依婷直言意料之外。
呢日，何依婷喺電視城做完嘢之後就匆匆離開，佢畀影到揸住名車直接前往紅磡，當何依婷發現有記者跟拍之後，擒青打電話揾救兵求救。
冇幾耐，何依婷揸車到九龍塘同媽咪匯合，兩母女手拖手行商場，期間何依婷狂掃護膚品，之後同媽咪再行多一個鐘先捨得離開。
講到何依婷，據悉佢一家人早年住屋邨，佢憑住自己嘅努力考上咗香港城市大學商學院，主修資訊系統學、環球商業系統管理課程同副修心理學。
何依婷更獲得獎學金資助，遠赴美國嘅史丹福大學、英國里茲大學同上海復旦大學做交換生畢業之後，佢曾經喺會計師樓擔任金融服務顧問，認真犀利。
選美結束之後，何依婷兩年內都冇機會拍劇，佢主要擔任兒童節目主持人。舊年先開始加入《學是學非》，成為咗新一代是非精，明顯受到TVB嘅力捧。
呢次何依婷喺《機場特警》中，佢係飾演嘅楊明女朋友，兩個人喺劇中有唔少嘅親熱戲份。作為新人，網友們大贊佢表現淡定。
而家，何依婷靠住自己嘅努力，一步步嘅受到大家歡迎同認可，成為TVB力捧小花，希望何依婷可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
