日前，前TVB新聞小花黃婉曼，喺離巢之后就淡出娛樂圈，經營面包學校嘅佢，今年第二度參加中環海濱長廊嘅美食節。而家黃婉曼儘管已經懷有七個幾月身孕，但依舊親力親為，好落力。
佢話：「上年啱啱生完第一胎擺檔，今次佗第二胎擺，呢胎好輕鬆，而家仲好似袋住個BB周圍行噉，好似袋鼠，不過今日出門口嗰陣，大女黏住我，嘈咗十幾分鐘先可以出門口，到時兩個小朋友，都唔知點出門口。」 
喺2014年與會計師男友共諧連理嘅黃婉曼，結婚之后三年先宣布成功大肚，同年仲誕下愛女，一家三口幸福美滿。
至於今胎同樣都系小公主，黃婉曼就笑話：「今胎BB腰細，腳長，因為腳長，頂住我個胃，導致我經常胃痛，前排胃痛到嘔要入院，又有胃酸倒流。」
雖然有過第一胎大肚嘅經驗，但系黃婉曼今胎確實辛苦，至於有無獲得老公嘅甜蜜慰問，佢就笑言老公只系叫自己勤力啲，不過喺生意上的確畀咗唔少嘅意見，兼夾幫自己排難解紛。
不過依然滿臉愁容嘅黃婉曼，就表示仍有問題唔可以解決，佢話：「天氣預告禮拜六可能落雨，如果落大雨，生意至少減一半，惟有嘢食方面加多啲種類。」
1984年生嘅黃婉曼，喺香港中文大學新聞與傳播學院畢業之后，就加入到TVB新聞部任職記者。原名粘冰冰嘅佢，喺入行之后就取藝名為黃婉曼，期間佢就畀選中擔任主持《晚間天氣報告》，佢憑借其生動嘅主持風格而大受歡迎。
期間，黃婉曼曾經以雜志編輯嘅身份，高調出席咗美容品牌嘅產品活動，此舉卻引來咗TVB高層嘅不滿，話佢有損新聞報道員嘅專業形象，辭咗職后嘅佢，唔單止喺報紙撰寫專欄，仲開始參與娛樂活動，都算系半投娛樂圈，成為媒體爭相報道嘅對象。 
而家黃婉曼嘅麵包學堂，已經開業兩年，而佢麵包學堂更加系大受歡迎，不過佢都不忘做善事，定期將麵包捐畀慈善機構。
生意漸上軌道，家庭幸福美滿，希望黃婉曼發展越嚟越好，祝福！ 
Like MisshkNews Facebook！不出门也能知天下事～
