前港姐有米男友偷食，畀貼街招直斥「狗男女」

前港姐陳庭欣與「有米男友」楊振源拍拖一年愛得高調，圣誕節當日，陳庭欣喺社交平臺高調放閃，聲稱每年12月25日對佢嚟講多咗一份意義，一度令人以為佢宣佈婚訊，原來當日係男友楊振源生日。

日前，楊振源先慶祝完生日，今日即有人嚟「贈慶」。據悉，彩豐行老板與港姐陳庭欣畀人四攬貼街招，包括陳庭欣居住嘅啟晴邨，同多間彩豐行店鋪。

至於街招上有陳庭欣同一女子合照，以及楊振源嘅相，直指呢個女子同楊振源係「狗男女」，又大大隻字寫上「世紀大賤男」，同指楊振源係「二世祖」、「搞朋友、搞同事」。

指陳庭欣係「傻港姐、畀利用」，疑似話楊振源一腳踏兩船，同偷食陳庭欣嘅女性朋友。

記者去到啟晴邨嗰陣，街招已經畀搣走，但就啱啱見到戴住口罩嘅陳庭欣揸車離開，於是上去同佢了解情況，佢見到記者時有啲愕然，陳庭欣話：「我知你想問乜嘢事，但我都要了解嚇先。」

陳庭欣臨走前，仲話：「有乜新情況，我再通知大家啦。」