現年39歲嘅曹敏莉（Mandy）喺2003年參選港姐嗰陣成為五料冠軍，加入TVB后參演咗唔少劇集，直至2010年約滿離巢，同年與拍拖5年嘅金融才俊男友張家杰結婚。
日前係曹敏莉同老公結婚11周年紀念日，曹敏莉梗係要精心打扮咗一番，同老公出街撐枱腳慶祝呢個大日子。
事後，曹敏莉喺社交平臺曬出兩個人嘅合照，幸福得嚟又甜蜜，唔少圈中好友包括朱千雪、岑杏賢、楊洛婷等人都有送上祝福。
曹敏莉同老公結婚11年恩愛如昔，佢哋一家五口相當幸福，雖然曹敏莉已經係三個小朋友嘅媽咪，但佢無論係美貌定身材依然Keep得好好，美貌十年如一日！
曹敏莉喺2003年參選港姐最后奪得冠軍、國際親善小姐、鉆石肌膚獎、芙蓉美態獎同完美組合獎，成為五料冠軍，而亞軍就係楊洛婷，季軍戚黛黛。
選美結束之后，曹敏莉同亞軍楊洛婷、季軍戚黛黛因為參選港姐而成為好姊妹。
而李施嬅當年奪得最上鏡小姐（左一）。
次年，曹敏莉出戰2004年度國際華裔小姐競選，獲得亞軍同友誼小姐。
之後，曹敏莉加入TVB參演咗唔少劇集，《蓋世孖寶》飾演女主角刑曉雪，《亂世佳人》沈依萍、《絕代商驕》華翹、《戀愛星求人》方卓琪、《老公萬歲》尤嘉莉等！
2006年曹敏莉向TVB請假一年，去紐約修讀為期半年嘅珠寶鑒證課程。
2010年曹敏莉約滿后離開TVB，同年與拍拖5年嘅男友結婚！而家專心相夫教子，淡出娛樂圈！
Like MisshkNews Facebook！不出门也能知天下事～
