憑TVB神劇《金宵大廈》成為話題人物嘅李施嬅，較早時接受訪問大方重提舊情。李施嬅喺2003年由加拿大返香港選港姐，最終奪得「最上鏡小姐」同「才藝小姐」。
入行16年，李施嬅嘅感情事最為人熟悉肯定係同「世紀渣男」鄧健泓嘅五年情。
李施嬅講其實早知同對方唔啱，只係自己太執著未有放棄，直至我去加拿大讀書嗰陣，終于可以行出呢步。
但分手之後，李施嬅同鄧健泓仲保持朋友關係，佢又贊鄧健泓太太石詠莉係好女仔，如果自己有需要，佢哋都會樂易出手幫忙。
呢排自爆有圈外男友嘅李施嬅，否認“專釣金龜”做男友，揚言擇偶偏向較年長嘅圈外人，佢話：“想揾一個啱嘅人，因為而家嘅我，事業心好重。”
李施嬅又希望胡定欣和姚子羚揾到另一半：“覺得胡定欣好難，因為佢好強、好叻嘅女人，愈叻愈難揾另一半，我冇胡定欣咁強，比較腌尖，好想見到佢有另一半，仲有姚子羚，好想佢搵到一個值得佢愛嘅人。”
李施嬅講到《金霄大廈》大獲好評，係佢4月離開TVB之後嘅作品，佢自認不善于交際間接影響事業，好似當年由李詩韻改名李施嬅，都畀好多人反對。
李施嬅話：“李施嬅其實係嫲嫲改嘅，父母鍾意李詩韻，嫲嫲鍾意李施嬅，嫲嫲係我最愛嘅人，佢離開咗，呢個名對我同嫲嫲都好有意思，大家覺得我好傻，入行十年先改名，但呢個係我紀念嫲嫲嘅！”
Like MisshkNews Facebook！不出门也能知天下事～
