前港姐朱智賢憑借《白色強人》其出色演出導致其人氣急升，雖然最近受到新型冠狀病毒疫情影響，但唔影響朱智賢呢排有兩部劇集同時開拍，分別係喪尸題材劇集《食腦喪B》以及《踩過界2》。
朱智賢就透露佢喺《食腦喪B》中將首次嘗試飾演大肚婆嘅角色，所以，最近佢一直都有關注身旁大肚朋友嘅一系列動作，到時等到真正拍攝嘅時候可以更加得心應手。
另外朱智賢仲透露佢喺《踩過界2》，準備同前輩「TVB老戲骨」余子明將會有一段「特別關係」，至於乜關係朱智賢未透露，只係表示好具有挑戰性
因此朱智賢坦言：「呢排為咗拍兩部劇集的確瘦咗好多。」
記者問朱智賢對自己嘅身形有乜要求？朱智賢笑言：「無論肥定瘦，相信都冇乜人鐘意我，其實瘦咗唔係幾好，因為連上圍都一同縮水，所以晚晚都食消夜！」
朱智賢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。
啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。
后尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。
而家朱智賢先33歲，正值演藝事業嘅黃金時期，雖然最近佢同「TVB小生」謝東閔多次傳出緋聞，但係兩人一直都冇公開認，唔知道兩個人嘅戀情可唔可以開花結果呢？
最后missH祝福朱智賢事業發展得越嚟越好！
Like MisshkNews Facebook！不出门也能知天下事～
