前港姐拍大肚寫真，準備分娩神秘老公繼續無影蹤

前港姐楊思琦舊年10月宣佈已經同圈外男友喺外地注冊結婚，并承認當時已經懷孕，臨近2月預產期，增磅唔少嘅佢行動不便，呢排逐漸停工喺屋企安胎，準備迎接新成員出世。

日前，楊思琦趁住精神唔錯，同囡囡楊卓穎齊齊拍攝大肚寫真，楊思琦以三個唔同造型示人，其中一款佢同囡囡著上白色母女裝，囡囡開心錫媽咪個肚，以喜悅心情做家姐。

雖然楊思琦腹大便便，但見到佢手腳依然係纖瘦，肥胎唔肥人，果然得天獨厚，至於楊思琦嘅老公究竟係邊個？依然係無曝光，無影蹤。