前港姐王君馨舊年以獨立歌手重新出道，呢日佢分享一張同一班好姊妹出海遊船河嘅船P合照，仲留言話：「感恩有你哋出現喺我生命中，耶穌，音樂同熱情嘅愛人！」
相中見到衛蘭、衛詩都以性感泳衣示人，只見著住一件頭泳衣嘅衛詩瘦咗唔少，更騷腰部線條，而家姐衛蘭就著上吊帶連身裙！
而鐘舒祺都有大曬比堅尼靚相，大曬火辣身材，見到佢喺巨型魚網上大擺誘人甫士，同佢家姐鐘舒漫斗搶鏡！
鐘舒漫
講到王君馨，原來佢對上一部TVB劇集已經係一年前嘅警匪劇《鐵探》，其有份演出已殺青嘅新劇《唐人街》同《失憶二十四小時》今年內有望播出。
現年33歲嘅王君馨喺2007年參選香港小姐，奪得亞軍同獲得友誼小姐好成績而進入娛樂圈。
次年，王君馨就獲TVB力捧，參加《舞動奇跡2》同俞灝明拍乸跳舞奪得冠軍，兩人更因此成為好朋友。
之後王君馨獲TVB力捧開始拍攝電視劇，期間拍攝過《MY盛lady》、《飛虎2》、《公公出宮》、《心理追兇》等劇集。
唔理點樣，王君馨正處于自己事業發展嘅黃金時期，都係希望王君馨喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
