「TVB視后」畀雪藏，轉行做才女博新出路

「TVB視后」李佳芯近年憑借《踩過界》、《BB嚟咗》極速上位，正處于事業發展嘅黃金時期，佢仲提攜咗原本寂寂無名、其貌不揚嘅男友陳炳銓廣為人識，工作量激增。

不過，李佳芯因為網上言論問題激嫐大陸網友，走紅之后又成日違抗TVB指令，據悉TVB已經決定放棄佢，寧愿捧聽話花旦。

李佳芯事業告急，就連男友陳炳銓一樣黑，佢呢排不獲ViuTV續約，落難鴛鴦事業同時冇工開，收入激減，唔單止買樓大計焗住擱置，仍同TVB有四年合約嘅李佳芯，隨時演藝夢碎。

可能因為女友李佳芯影響，導致男友陳炳銓無法續約，兩個人冇收入仲要生活，唯有出沒茶餐廳、街邊檔，最大娛樂就係放狗，為咗慳錢，李佳芯而家出門連妝都唔使化。

被迫放大假嘅李佳芯，呢排開始有轉行打算，佢喺屋企寫散文集，計劃自資出書，鋪路轉行做幕后創作博翻生。

李佳芯呢幾個月幾乎絕跡幕前，已經連續四套電視劇畀換角，據知情者透露：李佳芯不嬲好有性格，起頭加入TVB算聽話，但自從紅咗之后，佢以為TVB冇咗佢唔得，於是推劇不顧全大局唔肯讓步。

講老實話，TVB作為香港最大嘅造星平臺，可以捧你亦可以毀你，更加唔會因為你而唔掂，而且呢年嚟TVB一直有培養唔少有潛質嘅藝人，比如朱晨麗、高海寧同湯洛雯。