「TVB視后」楊怡同老公羅仲謙結婚多年，較早時終于公布懷孕喜訊，楊怡仲話呢胎係個女，羅仲謙極度興奮，向身邊朋友透露計劃再追生寶寶，讓囡囡有個細佬或者妹妹作伴。
全天候監視住楊怡嘅羅仲謙，更勒令太太如果冇乜必要唔可以出街，就算出街都要由媽咪陪同，仲要時刻向佢報告行蹤。
呢日一身防疫重裝備嘅楊怡，戴上鴨舌帽同黑色口罩，揸車離開大埔寓所，身邊坐住同樣高度戒備嘅媽咪。
問到懷孕情況，楊怡一臉幸福噉話：「其實最近因為疫情，我已經好少出街，不過今日有事要出一出去，仲透露預產期喺5月尾，心情暫未好緊張，講埋便揸車離開。」
講到楊怡同羅仲謙嘅當年，佢哋因為拍攝TVB經典醫療劇《On Call 30小時》結下情緣，呢部劇都喺前晚（3月2日）深夜時段重播，劇集由馬國明、楊怡、羅仲謙同黃智雯等主演。
其實羅仲謙、楊怡由一段唔畀睇好嘅姊弟戀，到拍拖4年再結婚，而家仲即將有新成員加入，兩個人修成正果，過得幸福美滿。
唔怪得當初羅仲謙仲曾經公開感謝《On Call 36小時》監制潘嘉德嘅撮合：「拍呢部劇我攞咗獎，又多咗一個老婆。」
Like MisshkNews Facebook！不出门也能知天下事～
