「TVB花旦」生日撞正年初一，獨自甜笑吹蠟燭！

2月12日係大年初一，同樣係「TVB花旦」李施嬅嘅40歲生日。當日佢就喺社交平臺上曬出生日蛋糕，同埋可愛嘅自拍照，慶祝呢兩個美好嘅日子。

除此之外，李施嬅連吹蠟燭都係自拍，睇嚟佢係一個人慶祝，未婚夫唔喺身邊。

講到李施嬅嘅未婚夫，其實李施嬅喺2月8日就向大家報喜，宣布即將踏入人生另一階段，同相識多年嘅圈外男友結婚。

當時李施嬅就曬出咗無名指上嘅鉆戒、同埋畀未婚夫拖手嘅相，開心透露：「牛年一定會更好，因為有噉嘅新嘗試。」

講到李施嬅，其實佢喺2003年由加拿大返嚟香港參選港姐，最終奪得「最上鏡小姐」同「才藝小姐」。

2004年李施嬅與鄧健泓拍拖，有傳兩個人當時更發展到同居階段，直至2009年，李施嬅停工翻加拿大完成學業，佢要求男方經濟援助，導致兩人因為財困結束五年情。

李施嬅自從與鄧健泓喺2010年宣布分手之後，李施嬅被指「開竅」，落力結交富二代，其緋聞對象包括胡杏兒嘅老公李乘德（Philip）、仁濟主席吳守基、澳門威尼斯人高層Reggie Martin等等，個個非富則貴。

唔理點樣，希望李施嬅早日揾到屬於自己嘅如意郎君，同埋期待《金宵大廈2》早日出街，希望李施嬅喺之後嘅事業上可以有所成就，期待佢嘅表演！。