「TVB小花」傅嘉莉尋日突然喺社交平台曬出黑色相片，佢自爆喺旺角遇上露體狂，更清楚睇到對方下體，而且到而家畫面依然喺腦海揮之不去，更問大家下次應該點做。
有部分網民留言話喺旺角區經常遇到呢種情況，亦有網民指應該要攞出手機拍低對方，亦有網民指出應該即時大叫一聲，但傅嘉莉統統冇回覆。
講到傅嘉莉，其實佢喺2013年參演《沖上云霄II》飾演喬祖思一角開始為人熟悉，喺劇中佢飾演一個暗戀機長吳卓羲嘅咖啡師，同吳卓羲有唔少嘅對手戲。
之後傅嘉莉喺《愛我請留言》首度擔任第二女主角，飾演為咗嫁比有錢人而背井離鄉只身一人嚟香港嘅打工妹“皎妃”，佢因為喺劇中嘅出色表演而人氣急升。
2015年傅嘉莉正式成為「TVB親生女」，同年喺臺慶劇《張保仔》飾演貪食宮女夏嬋，與陳展鵬嘅感情線獲得關注，更憑藉呢部劇榮獲《萬千星輝頒獎典禮2015》最佳女配角提名。
傅嘉莉唔單止人美，同時都好熱愛公益，曾經喺2016年創立咗“傅出愛義工團”。集合善心人士，身體力行，付出愛并多關懷社會上面有需要人士，共同實踐傅出愛精神，為社會作出貢獻。
唔理點樣，都係希望傅嘉莉喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
