「TVB小花」何雁詩喺2019年尾已經離開咗星夢，呢排更盛傳佢準備約滿TVB，仲打算離巢，事後佢回復傳媒嗰陣未有否認，仲話：「有新消息會同大家講。」
估唔到嘅係，何雁詩啱啱喺社交平臺曬出喺TVB大掣門外影相，更正式宣佈約滿離巢！佢話：「估唔到我第一份工一做就做咗12年，我都係時候跳出自己嘅舒適區，去出面嘅世界學習下。所以呢由聽日開始，我就會展開人生、事業嘅新一頁喇！」
何雁詩舊年以獨立身份闖樂壇，自資做4首新歌同專輯，佢坦言講積蓄用得七七八八，揚言要努力揾錢再追夢想。
講到何雁詩，其實佢喺6歲嗰陣就開始打哥爾夫球，10歲加入香港哥爾夫球代表隊，仲喺2010年11月代表香港參加廣州亞運哥爾夫球項目，以＋39桿嘅成績喺女子個人賽30位選手中排第26位。
何雁詩喺14歲嗰陣開始學習音樂，2009年7月年僅16歲嘅何雁詩參加咗第一屆《超級巨聲》而簽約TVB，并正式入行。
2014年2月，何雁詩喺《食為奴》飾演“米魚仔”同王祖藍合作，開始備受TVB力捧！
之後，何雁詩喺TVB經典劇集《四個女仔三個BAR》飾演姚翠花同陳凱琳、陳瀅、劉佩玥等人合作，人氣急升。同年3月24日，佢正式加盟星夢娛樂。
92年出世嘅何雁詩其實仲算好後生，唔理係音樂，定係劇集都取得咗唔錯嘅成績！感情上更加係同老公愛得甜蜜，希望離巢后嘅何雁詩喺音樂上取得更大嘅發展！
Like MisshkNews Facebook！不出门也能知天下事～
