「TVB小花」林秀怡舊年成功上車做業主，佢同男朋友夾份買入屯門新盤珺瓏灣300呎嘅樓花新盤，佢曾經笑言靠「男友幹」，皆因男友先出首期做擔保人。
但呢排就畀人扭曲原意，指林秀怡靠曬男友出首期，令佢忍唔住喺社交平臺留言澄清佢哋互相扶持，共同供樓，仲反擊話：「不如試吓多啲祝福人啦！」
講到林秀怡，其實佢加入TVB十年以來一直都唔起眼，即使早年曾經喺《怒火街頭2》、同舊年《是咁的，法官閣下》都有發揮機會，但仍徘徊喺二、三線小花之间。
之前熱播嘅劇集《婚姻合伙人》，飾演富家女露髀嘅林秀怡終于彈出，與陸永飾演歡喜冤家備受觀眾歡迎，人氣急升。
甚有喜感嘅林秀怡就有住坎坷嘅童年，自細家貧父母離異，一直同阿媽相依為命，系屋企經濟支柱。
舊年阿媽發現患上子宮頸癌，需要緊急做手術，40萬積蓄一鋪清袋，孝順嘅林秀怡不惜一切醫母，孝感動天。
據悉，林媽媽起頭發現患上子宮頸癌系睇公立醫院，但系因為排期做手術需要等待，而林媽媽已經患上第三期，林秀怡為阿媽健康著想唔想再等，於是改到私家醫院做手術，最終使曬佢積蓄。
林媽媽總共做咗4次化療、28次電療，當時每日出入醫院，林秀怡都陪喺身邊。
而家林媽媽已經好翻，林秀怡經常陪阿媽去旅行，林秀怡從來都唔覺得阿媽系負累，佢曾經公開表示阿媽喺佢心中永遠都系第一位，為咗養母幾辛勞工作都系值得。
林秀怡一直默默耕耘飾演小角色，希望有朝一日有出頭之日，同時亦同與友人合資位開意粉店，日前佢全素顏喺店內做全能人才，樓面、入廚房仲要倒垃圾。
老闆娘力不到不為財，為養癌母拚命賺錢。
意粉店餐牌內的食物全部即叫即做，林秀怡在廚房內洗菜、沖調飲品，全部都親力親為，非常認真。
唔理點樣，都係希望林秀怡喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
