「TVB小花」入行13年，新劇終于升呢做女主角

日前，TVB新劇《欺詐劇團》進行拜神儀式，呢部劇除咗係金牌監制潘嘉德再次回歸拍劇之外，「TVB小花」蔣家旻更加係首次升呢做女主角，入行十三年終於等到機會！

喺接受訪問嘅時候，蔣家旻指呢次係飾演一個文青角色，觀人于微，帶一啲cool味嘅電影編劇，同敖嘉年會有一條淡如水嘅感情線。

蔣家旻被問到入行13年終于升呢做女主角，佢話：「17歲嗰年屋企人陪我簽約TVB，最困難嘅我覺得係冇乜人識，冇嘢做。但返嚟睇，自己真係一步步行過嚟，每個階段嘅體驗都好矜貴，自己都好自豪有呢個經歷。」

13年絕對係一段長時間，蔣家旻都曾經遇過谷底，佢話：「特別係屋企人，未必太理解自己嘅諗法，喺佢哋眼中我喺度唔等使去追夢。」

唔理點樣，都係希望蔣家旻喺之後嘅事業上可以有所成就，期待佢嘅表演！