「TVB小生」再做老竇，港姐太太或放慢啱啱起步嘅事業

喺娛樂圈內有唔少藝人都會戲假情真，發展成情侶或者更進一步成為夫妻，不過喺圈內有唔少忘年戀都備受網友嘅關注，多數關係喺開始嘅時候都唔畀網友睇好，好似陳凱琳同鄭嘉穎兩人。

呢段相差咗22歲嘅「父女戀」一開始就飽受爭議，事關不論喺名氣定人氣上嚟講，鄭嘉穎都遠超陳凱琳，當時更有唔少網友嘲諷鄭嘉穎老牛食嫩草，關係肯定唔會長久。

不過鄭嘉穎同陳凱琳卻愛得濃烈，用實際行動證明畀所有人睇兩個人嘅愛情，兩個人喺2015年承認拍拖，相戀三年之後兩人最終走進婚姻殿堂，喺巴里島舉行浪漫嘅婚禮。

結婚冇幾耐陳凱琳就宣布大肚，喺2019年2月生落仔仔，較早時陳凱琳曾經大方表示唔介意追生，對于幕前嘅工作，亦表示最低限有一兩年後先會考慮復出拍戲。

不過陳凱琳復出拍戲或者仲未咁快，呢排有消息指陳凱琳已經懷上二胎，距離上次陳凱琳公開蒲頭已經係四月，當時為咗自家品牌「雪后」撐場。

消息傳出之後，陳凱琳亦有更新社交平台，不過就未有回應大肚傳聞，反而繼續曬出同龔嘉欣嘅合照，大曬姊妹情。