現年34歲嘅前港姐張秀文除咗美貌與智慧並重之外，更憑借其34D誘惑上圍獲網民封為「TVB咪神」，感情上本住寧缺勿濫嘅嘅宗旨嘅佢，一直都有唔少男人追。
根據最新消息，張秀文已經低調應承咗金融才俊王大權嘅求婚，準備嫁入豪門做少奶奶，真係可喜可賀。
其實當初張秀文係經「金牌媒人」林盛斌（Bob）出招介紹筍盤，張秀文同王大權志趣相投、一拍即合，拍拖初期曾經孖咇甜蜜現身馬場。
傾到啱啱同TVB續咗兩年合約嘅張秀文，佢話：「依然熱愛演藝工作，所以暫時唔會息影，未來老公亦未有施壓」
記者問到貴為「咪神」嘅張秀文，升呢做人妻之後會唔會封胸？佢笑住話：「我已經轉型咗好耐，呢排都冇行性感，總之睇場合，晚裝件件都咁性感，咁我阿媽生得我身材咁好，我都冇計。」
傾到啊Bob成功為佢搵到Mr.Right，張秀文話：「佢依家好囂張，不過真係多謝佢，有諗過送一份大禮畀佢，就係包佢一家人去旅行，但都要等過咗疫情，通番關先送得出。」
一齊嚟睇張秀文同未來老公影嘅結婚相！
Like MisshkNews Facebook！不出门也能知天下事～
