「貼地港姐」邊食邊瞓，攰到反白眼

「貼地港姐」馮盈盈備受TVB力捧，呢排佢分別就喺《萬千星輝頒獎典禮2020》、《慈善星輝仁濟夜》、《BigBigShop新春感謝祭》，馮盈盈不愧係「新一代TVB爆騷王」！

咁都未夠，呢排馮盈盈仲密密為TVB節目《天天開運王》開工，每日由朝拍到晚，雖然佢係後生女，但鐵人都有攰嘅時間！

等埋位嘅馮盈盈，卒之忍唔住邊食邊瞓覺，仲要瞓到反白眼，要助手叫先識起身，但難得佢一叫就醒，仲要扮冇事繼續食嘢。

馮盈盈自己都忍唔住感慨話：「好似有過度活躍嘅我，都會有好攰嘅嗰陣，真係冇曬電。」

講到馮盈盈，其實佢喺2016年參選香港小姐競選，獲得冠軍入行短短三年，已經成功獲得「飛躍進步女藝員」獎項。

馮盈盈上位速度比2013年港姐冠軍嘅陳凱琳仲快，加埋馮盈盈比起陳凱琳更有觀眾緣，喺演技上更勝一籌。

馮盈盈入行之後備受TVB力捧，劇接劇之余仲要犧牲自我，喺幕前獻身，進取攻勢表誓向「TVB一姐」目標進發。

TVB睇到馮盈盈前途無量，主要簽賣身契做「TVB親生女」，肯搏肯畀嘅佢，最近正式升呢做女主角，同視帝陳展鵬開拍新劇《逆天奇案》。