「落選港姐」手機被盜，自認存放大量親密照

「落選港姐」林雅詩早年經歷過婚姻失敗，2016年遇上經理人兼男友馬天樂，但喺今年5月男方畀踢爆偷食女助手Ana，兩人仲生埋仔，單嘢揭發之后情緒一度令人擔憂。

決心斬纜嘅林雅詩，日前亦重新出發，喺疫情之下佢一度轉做老闆娘，專心打理時裝店。

尋日，林雅詩喺社交平臺留言話：「小三Ana對我講，需要我將你啲聊天記錄公開分享嗎？唔好再講你哋啲事圈喺我身上！」

林雅詩繼續話：「真係好笑，你色誘個男人要佢去食死貓，而家同我講唔好再將我哋嘅事圈喺你身上？乜道理？偷我電話偷我資料，然后威脅我分享公開？我都未報警你偷嘢。」

對于畀到威脅同被偷電話一事，今日致電林雅詩了解，佢話∶「宜家諗返，因為當時整親只手入院部電話唔見咗，當時男友馬天樂同女助手Ana都喺度，當時我冇諗過唔見部電話要去報警。」

問到林雅詩電話內有冇同前男友馬天樂嘅親密照？佢話∶「坦白講同佢拍拖親密照一定有，床照都有，始終我同佢已經告一段落，唔想再翻炒出嚟。」

至於對方點解事威脅林雅詩？佢話∶「我都唔知佢想要求啲乜，寫幾句message嚟就威脅我。」

最令林雅詩費解嘅係，對方反過來話佢∶「最攪笑係佢講到，你哋嘅事唔關佢事，唔好搞到佢，我心諗係你哋搞出嚟，點解講到咁。」

林雅詩表示對方威脅自己嘅留言已經保留證據，如果對方仲有任何動作，佢唔排除采取法律行動。