「樂壇天后」由木屋區搬到海景房，2億豪宅大曝光

由於新冠肺炎疫情肆虐全球，「樂壇天后」容祖兒（Joey）當完成《PrettyCrazy世界巡回演唱會》倫敦站之後，就決定取消之後嘅行程，急急腳返香港自覺居家隔離。

容祖兒除咗喺屋企煮嘢食之外，呢日容祖兒仲分享練習瑜珈嘅相，而唔少網友將焦點放喺容祖兒嘅家居環境上——容祖兒嘅豪宅。

容祖兒嘅豪宅，柜臺擺滿曬無數獎座，而露臺就擁有無敵大海景，令一眾網友紛紛表示羨慕。

其實，細個嗰陣容祖兒屋企人住喺蝴蝶谷木屋區，之後屋企人抽中咗天水圍嘅公屋，卻因為單位喺轉角位置，令屋企人擔心返屋企嗰陣有安全問題而被逼放棄，後來再抽先中咗馬鞍山恒安邨嘅400呎單位。

因此，細個嗰陣嘅容祖兒喺馬鞍山恒安邨長大，明星鄰居仲包括有王祖藍、黃翠如、楊怡等人，就連經典劇集《大時代》都喺呢度拍攝，因此恒安邨曾經被外界指係有利發展演藝業嘅風水寶地。

容祖兒唔單止係樂壇天后，佢仲係投資天后，到而家佢已經手持十二個物業，保守估計總值4億。

唔理點樣，都係希望容祖兒身體健康，希望佢喺之後嘅事業更上一層樓，期待疫情早日結束！