如果問邊個系曾愛媚？能夠答嘅觀眾可能唔多。呢位2006年香港小姐落選佳麗系無線發展兩年，以飾演閑角為主，不過佢近年轉戰美國，星途漸見光明，喺第三季《路西法》（《Lucifer》）中更有唔少戲份。其實有唔少落選港姐如袁彌明、伍樂怡、麥美恩、徐淑敏同吳海昕都可以喺唔同界別殺出血路，佢哋嘅故事都好勵志！
當年嘅一號佳麗曾愛媚成功打入最后五強，泳裝環節獲最高評分，對答遠勝對手嘅佢入行之后就苦無發揮口才嘅機會，系無線兩年嚟，星途遠不及冠軍陳茵媺同季軍呂慧儀，多數被派演冇名字嘅角色，最熱門嘅新聞系與王貽興傳出嘅緋聞。
曾愛媚－出演FOX大熱美劇
曾過檔港視嘅美籍華裔女仔曾愛媚，年前開始轉攻英文市場，接拍咗一部科幻電影《Eternity》，喺套戲入面飾演男主角嘅太太，電影先后喺多個國際影展中展出。喺《路西法》中亮相嘅佢，仲會喺另一劇集《Exceptionals》擔演恒常角色同參與劇本創作。
袁彌明－競逐區議會補選
2005年同樣打入最后五強嘅袁彌明，比曾愛媚好啲，佢有個「旅游大使獎」。同曾愛媚一樣，曾參與處境劇《同事三分親》演出嘅袁彌明，重喺陳豪、郭羨妮主演嘅《滙通天下》、胡杏兒與許志安嘅《肥田囍事》等劇集中亮相。
袁彌明喺參選前已經拍過幾部戲，參選后輾轉喺幾個唔同電視臺同電臺擔任節目主持，不過呢位喺美國波士頓塔夫茨大學經濟系畢業嘅才女型女仔，好似唔傾向于喺同一個地方長期駐留，佢的世界好大。
其實由袁彌明參選港姐時，與冠軍葉翠翠之間嘈得熱烘烘是非，可見佢唔系樂于做沉默嘅大多數。喺影視圈遇唔上代表作，又與無線鬧翻，佢開始攞起筆成為報章嘅專欄作家，同時喺網上拍片教授美容秘訣。
除咗喺媒體上發聲，又成為網上美容KOL，袁彌明仲步上政治舞臺。佢于2012年宣布參選立法會，兩年后競逐區議會補選，得票率高達26％。最近更將創辦九年嘅袁彌明生活百貨申請喺港交所創業板上市，朝住女企業家之路邁進。
徐菁遙（徐淑敏）－商界手勢女強人
接袁彌明的棒，系2006年奪得「旅游大使獎」徐菁遙（原名徐淑敏）喺星途上較為順利，先嚟嘅機會系與人氣才子王貽興合作主持資訊節目《最緊要正字》，冇幾耐之后都開始接拍劇集，當上女三、女四嘅角色。
較早前喺下午時段重播嘅《野蠻奶奶大戰戈師奶》，徐菁遙以女配角嘅身份同汪明荃、胡杏兒同黃宗澤對戲，成為2007年媒體眼中最有前途嘅新人之一。不過喺一年之后，佢就大肚嫁商人黃浩。
當大眾以為呢位落選港姐安樂做少奶，徐菁遙卻努力生仔之余發展事業同進修，喺5年前先后創立自家護膚品牌網店同成為榮譽工理博士。近年佢仲去學廚、讀珠寶鑒證課程，又安排懷第四胎， 一個個大計喺排住隊實行。
麥美恩－無線金牌主持
佢唔單止抵打入五強，仲系第四名，講嘅系2011年港姐「硬頸四」麥美恩，落選之后，佢冇怨，專心喺主持方面發展，花咗僅6年時間由娛樂新聞臺主播做到選美同《保良》、《東華》等大show主持，成為2017萬千星輝頒獎理嘅「飛躍進步女藝員」。
吳海昕－進軍電影界
與曾愛媚同袁彌明一樣，2014年嘅落選港姐吳海昕膊頭上嗰朵花都系「旅游大使獎」，不過佢多咗個近年才產生的「民選港姐」銜頭，雖然大熱倒灶，佢演藝機會卻接踵而來，單系電影就拍咗三套，仲有機會坐正做女主角。
伍樂怡－無線當家花旦
港姐大熱倒灶嘅情況時有發生，舊年伍樂怡憑漂亮面孔，喺第一次面試已經成為大熱門，更有翻版「李若彤」稱號。一路走來都系大熱姿態，奪冠呼聲可謂最高。
但結果三甲不入，比網友封為「民選港姐」。伍樂怡雖然落選，但已簽約并入讀電視藝員訓練班，又參與Big Big Channel嘅攝影，成為當家花旦指日可待。
但系只要熟讀港姐歷史，會發現唔少紅星都系落選佳麗出身，七十年代嘅代表系鐘楚紅，八十年代有邱淑貞，九十年代嘅郭可盈與張可頤都系鐵證。落選原來都有好運，你哋信唔信邪？
Like MisshkNews Facebook！不出门也能知天下事～
