黑面港姐寸黃心穎：堂堂三甲香港小姐閱讀理解都唔識？系咪好耐冇見報？

2018香港小姐競選已經塵埃落定，但是非卻未有停低，工藤佑采被指黑面Hea跳舞而成咗熱議對象，之後工藤于社交平臺為自己發聲平反，狂呻一個星期要練四只舞以及比賽過程辛苦等。

同為港姐出身嘅黃心穎日前被問到呢件事的時候，就好坦白話：「徹底對工藤佑采失望」，認為工藤黑面態度有問題，不料卻成為罵戰觸發點。

尋晚工藤喺社交平臺爆Seed，毫不留情直呼黃心穎全名，圖文并茂反擊「失望論」，怒斥黃心穎理解功力差、護主心切：

其實歷屆選美都攪出唔少是非，其中地方落選佳麗于比賽后心生不忿，透過社交網發文暗寸攞獎佳麗，甚至系訪問中大爆選美內幕，各出奇招表達不滿，分分鐘搶鏡過三甲！

夏尉喻呻差別待遇

「寸嘴Barbie」夏尉喻曾于2010年先后參選港姐同亞姐，佢于落選后受訪直言選美期間畀工作人員同其他佳麗針對，更大爆有佳麗待遇與眾不同，有私家保母協助兼有專車接送。

何洛沂寸佳麗靠后臺

模特兒何洛沂（Ashley）于2015年參選港姐40強止步，佢畀人淘汰后于社交網發文暗寸有佳麗靠后臺：「我並不比任何人差，冇后臺冇華麗地址，啱啱踏上人生的起點。」佢受訪時直指有家底、有關系同有學歷的佳麗較有優勢。

楊苡汶諷同屆冠亞軍

2015年落選港姐楊苡汶于比賽結束后喺網上發表參選感言，字里行間暗諷同屆有「十優港姐」之稱嘅冠軍麥明詩同亞軍龐卓欣，佢留言：「確實我輸喺起跑線上，我冇會考十個A，又唔識唱女高音。」

黃心穎后尾接受訪問時話：「我堅持當日講嘅嘢，尊重自己、尊重舞臺。（佢話你護主心切！）護乜鬼，有參選嘅人都知，去到系要打定輸數，我唔信系最后一分鐘先叫你出去跳，佢應該都預咗有呢件事，仲要話我靠佢見報，我唔系好想同佢個名扯上關系，覺得成件事系掉轉嚟！」
本文轉載於東網
本站負責轉載以及潤色本文
如有侵權，請聯繫刪除