早喺2015年嘅時候，落選港姐林慧倩就跳出TVB做主持以及喺電影圈發展，而較早時仲擔正做武打電影嘅女一，唔好睇林慧倩柔柔弱弱噉樣，認真拍起武打戲嚟都有模有樣。
佢回憶下就話：“呢部戲拍咗兩、三個禮拜左右，每日都要拍十到二十個鐘，但系我好享受，幾個女仔一齊練習，系有好多瘀傷，大家都系想做到導演嘅要求。”而電影主要系講述綜合格斗，為咗可以以最佳狀態出現喺電影螢幕前嘅林慧倩更加系瘦咗十磅，佢話：“當時食得好清淡，好似兔仔吃沙律一樣，仲搞到舊患，但系OK。”
而佢喺《寒戰2》中都有份參演，當中有周潤發、郭富城等強大嘅演員陣容，而飾演記者嘅佢就表示：「有一場戲要用記者身分質問飾演警務處長郭富城，面對好戲影帝重要挑戰提問梗系好緊張，好在最后可以幾take就完成。可惜戲中未能與周潤發通場，希望將來有多啲機會同好戲之人交手。”
話又返嚟，今次嘅新電影林慧倩更有機會唱主題曲，首次喺大家面前一展歌喉嘅佢都好緊張，佢話：“我入行講嘢比較多，但其實好鐘意唱歌，好開心有呢個機會，呢首算系中度激情嘅慢歌，我有八級鋼琴資格，都會考慮自彈自唱拍片擺上網。”
除咗演藝領域有所涉及之外，林慧倩喺離開TVB后都同朋友投資進軍飲食業。對于離巢會否后悔一事，林慧倩就話：“其實搞餐廳自己都會親力親為，回想當自己落選后冇留喺電視臺發展，出嚟做主持做生意反而好開心。”
Like MisshkNews Facebook！不出门也能知天下事～
