十優港姐貪靚著5寸高踭鞋 鏡頭后險仆街好失禮

十優港姐麥明詩（Louisa），同一樣系港姐冠軍嘅馮盈盈，喺J2臺主持嘅清談節目《后生仔傾嚇偈》入面，成日語出驚人，踩界出位，同時又讓人笑爆嘴！難得佢哋冇港姐包袱，唔會為顧全形象而講嘢，令節目生色唔少。

較早時呢對姊妹花喺BBC大公司周年慶中擔任司儀。鏡頭前面見到麥明詩非常淡定，相當有大將之風。不過鏡頭背后，就一直見到佢糗事。

最出事都系，佢連一對5寸高又斗零跟嘅高踭鞋呀，見佢成晚都好唔自在，頻頻「彎」低身執鞋之余，仲有好多次差啲跌低，好在次次都有人扶一扶，先冇五體投地，失禮人前。好多時候女仔都鐘意美態，而麥明詩呢種就系貪靚唔怕「扒街」嘅危險，就服佢。

終于到節目嘅尾聲，見到曙光即將可以收工唞啖氣嘅麥明詩，仲同面露慘豬豬樣嘅馮盈盈，好似心相通噉，互相打咗個眼色，然后指指噉問候下對方，真系姊妹情深！