「上位港姐」何依婷事業心重，唔心急拍拖！

「上位港姐」何依婷出道4年已經拍過10套劇，備受力捧嘅佢舊年更首次擔正做女主角，喺《十月初五的月光》飾演祝君好，事業發展順利。

何依婷更對外表示自己呢幾年正處于事業搏殺期，會努力做嘢，希望可以拍多啲劇集去證明畀觀眾知道，佢并非只係花瓶，而係有用心去做戲，係有實力嘅。

何依婷仲話宜家全身心專注工作，唔心急要拍拖結婚，感情事要隨緣。

何依婷坦言自己係一個好易感動同好易呃嘅人，只要男生對佢好少少，佢就會好感動，甚至覺得可以托付終生，身邊嘅人更加質疑佢係咪想嫁畀對方。

何依婷話佢而家已經成熟咗，甜言蜜語攻勢對佢已經無效。

何依婷話好欣賞陳法拉，會以對方為目標，佢真係好叻好堅持，喺TVB慢慢開始做戲，再去外國進修，跟住拍咗部好點樣，佢一定係付出咗好多我哋唔知道嘅努力，好欣賞佢嘅熱誠同勇氣。