「TVB小花」蔣家旻（Angel）喺2012年憑借處境劇《愛回家》而人氣急升，佢喺劇中飾演一個乖乖女馬子妮，而蔣家旻喺入行後都經常飾演呢類型清純可愛嘅形象。
不過呢排喺《極道怪咖》中，蔣家旻一改以往嘅鄰家女孩形象，首次喺劇中飾演一個霸氣嘅社團大姐大，以錫士、有型嘅形象上陣。
入行到而家已經有14年嘅蔣家旻，知道要喺娛樂圈中上位要靠實力同運氣，就算係“時機未到”，自己都會努力證明絕對係有料之人！
等咗14年，蔣家旻終於等到機會，皆因佢喺《欺詐劇團》唔單止首次擔正做女主角，更有破格演出，除咗要扮演女優「波多野莎莎」，仲要著住性感裝束，更玩倒吊捆綁，挑戰電視尺度！
日前，蔣家旻更獲提名角逐「最佳女主角」、「最受歡迎電視女角色」同「最佳女配角」三個獎，睇嚟蔣家旻真係時來運轉。
講到呢次首次競逐「TVB視后」，蔣家旻坦言：有得提名陪跑已經好開心，我睇好李佳芯攞視后，而我自己會集中火力喺「最受歡迎電視女角色」同「最佳女配角」。
唔理點樣，我哋都係好希望蔣家旻可以有新嘅突破，都祝賀佢呢次可以攞到好成績，加油！
Like MisshkNews Facebook！不出门也能知天下事～
