前港姐陳庭欣（Toby）呢排喺熱播劇集《換命真相》中，飾演林韋辰嘅二奶，更有浸喺浴缸自殺戲，表現令觀眾留深刻印象，出街都畀粉絲叫劇中嘅名。
陳庭欣除咗做嘢之外，一得閑就會同有米老板楊振源（Benny）拍拖，呢日就見到佢喺社交平臺大曬同男友去水上樂園玩嘅相。
不過未知係咪驚畀人睇蝕，定係男友覺得女友畀人望會呷醋，陳庭欣封胸包到冚，仲要著長袖，搞到一班網友好失望，皆因冇得睇咪神發威，紛紛表示往事只有回味。
講到陳庭欣，其實佢係2010年港姐冠軍，直到呢幾年佢演藝事業發展得越嚟越唔錯，有唔少角色都獲得觀眾關注同好評。
之前，陳庭欣憑借住喺《多功能老婆》中嘅出位演出爆紅，佢飾演小三挑戰原配一幕更加成為網上熱話，人氣急升。
陳庭欣宜家除咗事業得意之余，喺愛情方面亦同樣得意，早喺舊年佢正式公開咗與圈外富商男友楊振源（Benny）嘅戀情，因而大受關注。
陳庭欣同楊振源拍拖以嚟感情好好，人前人後表現得好甜蜜令人羨慕，佢哋除咗經常齊齊公開亮相之外，仲經常會喺社交平臺公開「放閃」，佢哋愛得越來越高調。
唔理點樣，都係希望陳庭欣喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
