2013年「落選港姐」張雪瑩（Cherry）呢排同朋友夾份投資咗7位數，升呢做髮型屋事頭婆，地方就捨近取遠，選擇喺深圳開髮型屋。
張雪瑩解釋話：「其實我之前有同呢間髮型屋做宣傳，後尾老板問我有冇興趣入股，於是乎就試嚇，主要係幫手做市場推廣、拍片宣傳，今年初再喺深圳開多咗間分店，主打少女市場，算係所謂嘅網紅打卡店。」
張雪瑩除咗做生意之外，并未有放棄幕前工作，佢較早前喺網上直播平臺識咗曾經參加《全民造星》嘅歌手梁奕藍，佢哋一拍即合決定合作做歌，遲啲就會出新歌。
另外張雪瑩曾經參加過大陸唱歌比賽攞過獎，又推出過國語單曲，唱歌方面有一定實力。
唔理點樣，都係希望張雪瑩喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
