日前，係前港姐亞軍周家蔚嘅生日，當中另一壽星女就係當年冇加入娛樂圈嘅同屆港姐謝穎珊，而同屆港姐冠軍陳茵媺都有現場送花祝賀。
2006年嘅落選港姐謝穎珊
陳茵媺為周家蔚、謝穎珊都有準備花束同蛋糕，周家蔚表示陳茵媺縱壞佢哋，又諗返起當年選港姐嗰陣互相幫助同支持嘅點滴，眨下眼大家都做咗人哋媽咪！
陳茵媺表示宜家大家都好忙，不過好在大家可以抽時間見面，重點係冇小朋友，可以姊妹淘一番，最后佢就祝福佢哋身體健康，永遠幸福！
網民都有激讚陳茵媺、周家蔚、謝穎珊，十年如一日，美貌不變零走樣，而當中謝穎珊雖然唔再做幕前，但都保養得好好！
另外，較早前已返香港同老婆周家蔚、仔仔一家團聚嘅洪天明，就為老婆炮制愛心龍蝦包，喺屋企一齊食翻餐勁嘅，簡單得嚟又有心思，認真溫馨！
Like MisshkNews Facebook！不出门也能知天下事～
