前「TVB小花」樂瞳曾經出過噴血寫真，更被網民封為「TVB咪神」，呢排咪神搖身一變做老板，喺疫市創業賣洋酒，而且樂瞳仲瞓身去到盡，將咭片掟上網，講明親自接單吸客。
日前，樂瞳為咗慶祝35歲生日，佢喺社交平台曬出幾張出浴照，仲留言話：「生日必備節目梗係去staycation啦！」吸引大批網民睇到眼定定之外，仲留言激讚。
講到樂瞳，其實佢原名叫龔茜彤，佢喺2007年加入TVB成為旗下女藝員，初期就擔任一啲茄喱啡角色同閑角。因為體格嬌小，把聲溫柔，長相童顏，所以經常畀監制安排飾演學生妹之類嘅角色。
樂瞳喺《少年四大名捕》中飾演第四女主角，憑住「凌小刀」一角大獲好評，所以喺之後嘅電視劇中嘅戲份有少少加重。
之後樂瞳喺《點解阿SIR係阿SIR》中飾演反叛女學生，同喺《法證先鋒III》飾演天眼少女黃嘉敏一角人氣急升，兼夾喺2011年首次競逐萬千星輝頒獎典禮嘅「飛躍進步女藝員」獎。
喺《護花危情》中，樂瞳首度擔任第二女主角，飾演港女李巧欣（Jojo）一角，與鍾嘉欣、黃宗澤同羅鈞滿有對手戲，受到歡迎。
2017年樂瞳正式約滿無線，結束與無線10年嘅賓主關係，接受傳媒訪問時佢表示：「冇乜不舍，因為我呢十年喺TVB根本冇賺到錢。」
之後為咗紀念入行十周年，樂瞳推出佢嘅處女寫真集《See La Cilla》，樂瞳除咗喺泳池度擺出多個誘人性感姿勢之外，亦有浸浴缸同花灑沖身嘅性感相！
唔理點樣，都係希望樂瞳喺之後嘅事業上可以有所成就，期待佢嘅表演！
Like MisshkNews Facebook！不出门也能知天下事～
