「TVB視帝」陳展鵬較早時憑借TVB熱播劇集《逆天奇案》贏盡口碑同收視，令佢人氣再度急升，更加成為TVB新一代收視福將。
不過呢排有消息指陳展鵬年尾約滿，有傳佢同TVB傾續約嗰陣要求加人工，每集酬勞要同視帝黎耀祥睇齊。
但TVB高層未應承之餘，仲將陳展鵬喺TVB新劇《隱形戰隊》同《童時愛上你》嘅戲份大減，用嚟懲罰陳展鵬無奈就范，更指佢宜家年薪500萬，做人要知足。
事後記者聯繫上陳展鵬，佢對於有關傳言統統否認，佢話：「嘩！500萬真係好可觀！雖然我份約未到，但係如果底薪係咁多，唔好話逆市，就算最旺嗰陣呢個價都簽得過啦！」
陳展鵬仲強調話：「宜家仲想話要加薪？冇可能嘅！因為而家各行各業仲喺冰點之中，要同公司一齊度過艱難期，如果真係呢個價錢，我簽10年，簽15年都OK呀。」
而TVB高層曾勵珍對于有指陳展鵬扭計、推劇，得罪高層一事，佢話：「絕對係謠言！做乜無端端會得罪公司？」
Like MisshkNews Facebook！不出门也能知天下事～
