34C港姐張名雅下嫁律師老公5年，雖然生咗兩個仔，不過依然保持到34C、23、34堅挺Fit爆身材，完全冇下垂走樣跡象，認真犀利。
張名雅雖然宜家已經做咗媽咪，但毫不吝嗇經常喺社交平臺曬索爆身材兼白滑長腿，而之前佢曬出一張一件頭泳衣相，就畀眼利嘅網民發現疑似「飛釘」！
尋日朝早天文臺掛起黑雨警告，張名雅就借啲意出招，曬出一套墨綠色型格三點式，實行用豪乳撼黑雨！
講到張名雅，其實佢係2012年度香港小姐競選冠軍，之後佢仲參選華裔小姐競選贏得溫哥華華裔小姐亞軍、同國際中華小姐季軍嘅名銜。
張名雅喺2015年《以和為貴》中飾演活潑小三蘇花（Betty），同男女主角馬德鐘同徐子珊有多場對手戲，畀網民大贊收放自如，演技大爆發，之後張名雅有份演出《鬼同你OT》更大獲好評，收視不俗。
而直到2016年7月31日，張名雅突然宣佈同拍拖一年半嘅圈外律師男友蔡錦豪（Joe）結婚，同年11月喺社交平台宣佈大肚，2018年7月14日，再次宣布懷孕四個月！
唔理點樣，梗係希望張名雅可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
