前「TVB花旦」茍蕓慧（茍姑娘）日前突然驚傳婚變，據悉老公陸漢洋（William）冷落茍姑娘同埋唔想生小朋友，因此令茍姑娘搬離貝沙灣愛巢。
事後，記者揾到茍蕓慧嘅經理人詢問，經理人表示佢哋感情OK，多謝大家關心。
事隔數日，茍姑娘終于更新自己嘅社交平臺動態，雖然佢冇回應任何婚姻嘅狀況，但見到佢滿面笑容，睇嚟完全冇畀外界嘅傳聞影響心情，佢仲留言話：「茍小姐收花la，訓教前敷下面膜la，晚安」。
講到茍蕓慧，其實佢加入TVB多年，之前佢一直係TVB力捧對象，可惜早年因為甲狀腺出現問題導致肥腫難分，被逼減產醫病，令其演藝事業停滯不前，人生跌落谷底。
直到茍蕓慧遇上46歲現任老公陸漢洋先讓佢睇到人生嘅希望，仲未結婚之前，陸漢洋已經送咗貝沙灣豪宅畀茍蕓慧，并主動承擔起養對方屋企人責任。
不過噉樣咁錫佢嘅老公，茍蕓慧仲唔滿足，認為馬國明先係自己心目中嘅男神，老公嚟拍劇現場探班仲惹嫐咗茍蕓慧，茍蕓慧仲話：「老公突然探班會令我分心，我覺得成日有對眼望住我咁，會影響我做嘢。」
唔理點樣，梗係希望茍蕓慧可以繼續畀我哋帶嚟多啲更精彩噶演出，期待佢嘅表演！
Like MisshkNews Facebook！不出门也能知天下事～
