前「TVB新聞小花」梁凱寧憑借其出色嘅表現，同甜美嘅外貌而備受網民追捧，不過佢自從離開TVB之後，開始識得享受人生，佢得閒嗰陣會喺社交平台晒靚相，分享生活趣事。
呢日梁凱寧就約埋一班朋友燒嘢食，見到佢著住背心熱褲，大曬白滑美腿，揸住支燒烤叉係咁燒，真係睇見都想食，佢仲留言問大家想食乜，我幫你燒埋吖！
梁凱寧此言一出，馬上引來大批網民紛紛留言：「我要食鮑魚！」認真眾志成城。
講到梁凱寧，其實佢讀書嗰陣因為突出表現曾經六度獲得院長嘉許，而期間曾經到TVB新聞部實習嘅佢，喺2014年畢業之後就正式加入到TVB成為全職新聞主播。
雖然進入到TVB之初，梁凱寧并未受到重用，但係佢依然認真做好自己，於是喺一年內時間由擔任互動新聞臺新聞主播，升到開始主持翡翠臺嘅天氣報告，因為佢甜美嘅形象同咬字清晰，更被封為「TVB新聞小花」。
同年12月，梁凱寧開始擔任《星期日香港早晨》，而佢都係節目啟播嘅第一位主持，可見其備受重用嘅程度。
之後梁凱寧又繼續擔任《香港早晨》嘅主播，都係歷史上最後生嘅《香港早晨》主持。
唔理點樣，希望係梁凱到咗新嘅環境依舊能夠發光發亮，發展得越嚟越好，加油！
Like MisshkNews Facebook！不出门也能知天下事～
