「TVB小生」不雅片外流，緋聞女友即割席

「TVB小生」吳偉豪憑借《愛回家之開心速遞》飾演「朱凌凌」而人氣急升，尋日網上瘋傳一段疑似係佢嘅不雅短片，片段中一個男子大玩自慰，極之不雅，形象徹底崩壞。

對於不雅片外流風波，TVB高層樂易玲已經證實此事，吳偉豪佢屋企人已經去咗差館報案，警方已跟進追查。

對於緋聞男友吳偉豪被捲入不雅片一事，港姐何泳芍就話：「其實我真係同佢唔係好熟㗎咋，私人事都係問番佢本人好啲，其他嘢我唔回應啦！」明顯同對方即割席。

講到吳偉豪接二連三鬧出醜聞，記者問到《愛回家之開心速遞》監製林建祥會點樣處理？佢就話：「未清楚乜事，冇嘢回應，一切等公司安排。」