「落選港姐」宋芝齡早年撈得唔夠同屆冠軍李珊珊掂，但現年42歲嘅佢除咗不斷創業吸金之外，呢幾年更殺入金融界，疫市炒輪變富婆，變身金融圈「輪后」。
本身係中韓混血兒嘅宋芝齡韓文相當流利，而且佢好識利用自己嘅優勢上位。事關2005年《大長今》掀起一陣韓風，多次畀委派訪問劇中人氣韓星，佢慢慢變身成為圈中「韓國通」。
當時宋芝齡喺TVB得萬幾蚊人工，宋芝齡識得把握「韓流襲港」商機，同朋友合資開辦韓文學校，呢幾年更以特許經營方式擴充分校，每月有六位數嘅收入。
宋芝齡宜家主要喺證券公司度做嘢，強項係炒輪，據悉炒輪已經成為宋芝齡其中一個主要收入來源，足夠讓佢住洋樓養番狗，得閑嗰陣仲可以請朋友嚟BBQ。
雖然宋芝齡已經成為「TVB隱形富婆」，每日又要忙住炒輪，但佢就冇諗過離開TVB，佢話：「如果我唔做幕前應該好會走樣，唔識扮靚，所以一定要Keep住做！」
宋芝齡雖然事業得意，但感情卻不如意。其實早喺2016年，佢畀爆出搭上已婚HMV董事何智恒，男方更表示并非宋芝齡介入，而導致佢離婚。
不過，宋芝齡呢段情只維持咗兩年，佢哋喺2018年分手收場，而家宋芝齡寧愿疊埋心水搵錢，更加自言唔恨拍拖：「炒輪緊要啲，實際啲，搵食呀！」
Like MisshkNews Facebook！不出门也能知天下事～
