「落選港姐」陳煦凝呢日25歲生日，佢獲一班同屆港姐源菲然、麥詩晴同羅雪妍齊齊為佢慶祝生日，源菲然更喺社交平台大曬合照。
源菲然送上生日祝福話：「我希望你永遠開開心心，永遠都係我哋最嘈嘅小公主。」
另外見到「壽星女」陳煦凝戴上后冠同彩帶，一嘗奪冠心願，而當年參選港姐嗰陣以一頭長髮示人嘅佢，宜家換上利落短髮，新形象好型格。
講到陳煦凝，當年雖然落選港姐，不過佢仲係成功簽約TVB，呢排佢趁住未有工開，就喺社交平台表示放縱自己，見到陳煦凝將所有甜品食晒落肚，皆因唔少網民都話佢太瘦，叫佢食番多啲甜品，肥番少少先有福氣！
另外，陳煦凝日前又再度曬出行山相，不過就冇之前咁錫士，但依然露出纖腰，獲網民激讚仙氣十足，更指佢係仙女下凡，更封佢為「行山少女」！
Like MisshkNews Facebook！不出门也能知天下事～
