前港姐突發撞車，入院照大曝光！

前港姐楊思琦尋日喺社交平臺曬出一張攤喺醫院病床上嘅相，張相中只見佢戴住病人手帶，但佢冇留言詳細說明乜事，只附上一個哭泣表情?。

言論一出，馬上引起唔少網民揣測，唔少網民紛紛猜測楊思琦係咪又追多個，留言話：「又生BB」。

呢日楊思琦終于現身接受訪問，佢表示日前傍晚揸車出去嗰陣，突然發生交通意外，因為衝力好大拉親條頸，當時仔女阿媽都喺車上，好彩佢哋宜家無事，宜家已經出院，喺屋企休息。

事後，楊思琦仲喺社交平留言haul：「謝謝大家嘅問候，希望快些好起來和大家見面！ 謝謝你們嘅關心和愛護！」

講到楊思琦，其實佢喺2001年參選香港小姐奪得冠軍入行，同時仲奪得當年「最上鏡小姐」、「網上最奪目小姐」、「纖體美態獎」等六個殊榮，佢係香港小姐競選史上攞獎最多嘅冠軍佳麗。

楊思琦當選港姐冠軍之後，馬上獲得TVB力捧拍劇，曾經主演過多部經典劇集，有《強劍》、《突圍行動》、《天機算》、《鐵馬尋橋》、《千謊百計》等。

2014年4月楊思琦約滿TVB后決定唔續約，同TVB結束13年賓主關係，劇集《大藥坊》亦都係佢離巢告別作，之後楊思琦主要喺大陸發展，多以商演為主。

2019年中，楊思琦同圈外男友喺外地結婚，同年10月公布大肚嘅消息。楊思琦對老公嘅姓氏、職業保密，只強調係中國人，并以「愛的森林」嚟形容兩人關係。

唔理點樣，宜家見到楊思琦一家人咁幸福，真係替佢哋開心，祝福你哋永遠幸福快樂喔。