前港姐殺入電影圈，飾演靚護士覺得好新奇

「TVB小花」湯洛雯喺2012年參選香港小姐，入行之后備受TVB力捧，主持同拍劇工作接踵而來。除此之外，湯洛雯更殺入電影圈，皆因呢日《忽然心動》電影海報上居然見到湯洛雯身影。

湯洛雯話：「套戲我飾演靚護士，好多謝百鳴哥畀我呢個機會，之前都好想試下拍電影，呢次拍套愛情小品感覺好得意好新鮮。」

湯洛雯事業得意之餘，愛情都得意。因為「TVB視帝」馬國明同湯洛雯自從認愛以來，佢哋表現得相當甜蜜恩愛，仲經常會喺社交平臺大放閃光彈，而且佢哋更已經到達同居試婚階段，男方幾乎長駐女友喺紅磡嘅香閨。

呢排更傳出馬國明將會同「TVB小花」湯洛雯喺今年拉埋天窗，婚期暫定喺8月份。

由于馬國明要趕拍《白色強人2》，預計7月先完成拍攝，加埋要去深圳佢景，鑒于現時疫情仲未穩定嘅情況下，婚禮暫定喺8月舉行，規模亦視乎疫情發展而定。

唔理點樣，宜家見到湯洛雯同馬國明咁幸福，真係替佢哋開心，祝福佢哋可以早日再傳出好消息，拉埋天窗。