前港姐劉穎鏇喺熱播劇集《大步走》首次擔正做女主角，喺最新一集劉穎鏇以運動短褲出現，42吋長腿確實吸引，不過都有唔少觀眾批評，話佢演技生硬，而且對白中英夾雜令人尷尬。
講到中英對話畀唔少網民批評，劉穎鏇就解釋話：「英文呢part其實係劇本本身有嘅，因為劇中角色啱啱從美國返嚟，噉先可以似ABC。」
劉穎鏇仲話：「我會接受任何意見，或者批評，同時我想大家話畀我知有邊度做得唔好，因為每個人睇法都唔同，所以每個人意見或者批評都好緊要！」
雖然劉穎鏇入行己經有4年，但其實佢演出經驗真係唔多，有戲份嘅得2018年《兄弟》、《踩過界II》同埋仲未出街嘅《唐人街》，而《大步走》都係首次擔正做女主角。
再者，劉穎鏇以往嘅演藝較著重于《學是學非》同埋《3日2夜》等綜藝節目，演技受到網民批評，其實都係每一個演員必經階段。
講到劉穎鏇，其實佢係2016年港姐亞軍，身高1.76米嘅佢擁有44吋半超級長腿，令人羨慕又妒忌。
劉穎鏇自細喺美國洛杉磯生活，擅長打籃球，高中時期更曾經參加過唔少女子籃球賽，亦曾經代表球隊去加州比賽攞過第二！
另外，劉穎鏇跟住喺《唐人街》、《超能使者》、《把關者們》同《青春不要臉》都有參演，睇嚟備受TVB力捧，相信佢嘅事業發展得越嚟越好，期待佢嘅表演！
Like MisshkNews Facebook！不出门也能知天下事～
