「偷食港姐」朱智賢自從卷入桃色風波之后畀TVB雪藏，佢一直停工自我檢討同增值，同時更加增加同屋企人嘅了解同相處時光，除此之外更裝備自己，成為山系女仔。
呢日，朱智賢又喺社交平台曬自己行山嘅輝煌成績，完成一個艱難辛苦嘅挑戰。
原來朱智賢呢次挑戰足足行咗14個鐘，真係少啲毅力都唔掂。有網民叫佢加油，希望佢嘅演藝事業都唔好咁易放棄。
講到朱智賢，其實佢喺2012年就報名參加咗香港小姐競選，但可惜喺初賽就畀人淘汰，2013年佢卷土重來，最終順利入圍成為20強，好彩嘅朱智賢獲得咗TVB高層賞識，順加入TVB發展其演藝事業。
啱啱入行嘅朱智賢同好多港姐一樣，從主持人開始做起，而朱智賢喺《東張西望》、《3日2夜》入面都有亮眼嘅主持表現。
後尾，朱智賢開始喺各大劇集有份參演，好似喺《愛情食物鏈》、《溏心風暴3》、《救妻同學會》等劇集都有佢嘅身影。
最后missH祝福朱智賢事業發展得越嚟越好！
Like MisshkNews Facebook！不出门也能知天下事～
