不過提起港姐，相信大家都會回憶下歷屆的冠、亞、季軍。其實，除咗三甲之外，仲有好多港姐留喺電視臺發展，甚至有部分佳麗因唔成功上位而靜英英離開娛樂圈。
以下啲女星，你可能見過佢哋，但你知佢哋都系選美出身嘅咩？
簡慕華，演過100套電視劇
入行之后拍過超過100套電視劇的簡慕華系2000年的香港小姐，佢當年的候選號碼系20號。
雖然簡慕華最終得唔到獎，但仍然有機會加入娛樂圈發展。為無線效力17年期間呢，遺憾噉未受到正式重用，雖然曾經演出多部劇集，但全部都系等閑角色。幸而觀眾的眼睛系雪亮的，有唔少網民都喺討論區贊賞佢演技同不老的外表，更加一度指無線唔識珍惜人才。
不過簡慕華最近約滿離巢，希望佢去到其他的地方會有更好的發展啦。
林其欣，無線、亞視都拍過劇
講起林其欣呢個名可能會覺得陌生，不過相信你一見到佢的照片肯定會喚起印象。
林其欣系1986年的參選港姐，候選的號碼系23號。同屆港姐冠軍系「不老女神」吳婉芳，面對強勁對手，林其欣雖然得唔到獎，但佢依然系憑系無線同亞視拍過的劇集而為人熟悉，代表作有《封神榜》、《皆大歡喜》同《妙手仁心》等等。
林其欣現時已經退出娛樂圈，最近佢出席活動時表示唔會考慮再拍劇，只會喺得閑時出席活動。
黃泆潼，文靜女仔變型格DJ
好多觀眾對黃泆潼一定十分熟悉，因為佢成日喺電視劇飾演秘書、護士等角色，所以一向卑人印象系怕丑、文靜的感覺。
其實佢系參選1999年的香港小姐選舉出身，當時候選的號碼系9號。不過黃泆潼入行拍劇10年之后就離開無線，最后一套參演電視劇系2011年播出的《仁心解碼》。
不過令人意想不到的系，佢而家化身成為有型的「Miss Yellow」DJ，與過去畀人的印象完全截然不同。
葉凱茵，演過清潔工
富太、媽媽、清潔工，葉凱茵全部都演過，但系實際上佢系2002年的參選港姐，候選的號碼系8號。葉凱茵選完港姐就直接加入無線拍劇，飾演得最多的系秘書，所以佢有「秘書王」稱號。
不過唔講唔知，佢未參選港姐前真系一位不折不扣的秘書！現時佢仍然有參演唔同的劇集，而且早喺2009年與圈外商人結婚并育有一子，過住美滿幸福的家庭生活。
吳幸美，飲「失身酒」
提起吳幸美，大家一定對佢喺《東張西望》的主持片段同各種親身上陣的實驗印象深刻，最經典的莫過於系喺節目中試飲「失身酒」，期之后又試飲睡眠水一度掀起話題。原來吳幸美都系選港姐出身的，佢系2003年的參選港姐，候選的號碼系12號。
身型高挑的吳幸美雖然喺比賽中沒有得獎，但仍然畀觀眾留印象。佢系無線拍過多套劇集，后來開始成為《東張西望》的固定主持，因為生動的表現而為人熟悉。
Like MisshkNews Facebook！不出门也能知天下事～
